* قالك هاذو زوج ناقصين في النظر ، تراهنوا على شكون للي يشوف مليح ، وقفوا أمام حانوت ( خضار ) بعيد شوية ، وقال لصاحبوا واش راهو حاط قدام الباب قالوا راهو حاط القارس ، جاوبو الآخر ، قالوا لالا راهو حاط البطيخ ، (( قارس ، بطيخ ، قارس ، بطيخ ...)) أيا راحوا قدموا عند الحانوت (( لقاوه مغلوق )) .
--------------------------------------------------------------------------------------------
* قالك هاذي فتاة كبرت و ما تزوجتش ، تلاقاة مع عجوز كبيرة ، قالت ليها واش بيك أبنتي راكي مهمومة ، قالت ليها أنعم إيه ما جانيش زهري في الزواج
قالت ليها أصبري حتى تموتي ، وكي تروحي للجنة أنتي تخيري الزوج اللي تبغيه ، أيا راحت طلعت فوق فيلا 5 إيتاج ، ورمات روحها ، هي ما توفاتش ، داخت برك ، كي فطنت لقات الناس
دايرين بيها ، قالت ليهم : ( بلعقل بلعقل ضرك نخير وحدي ) .
--------------------------------------------------------------------------------------------------
* قالك 3 مشحاحين بغاو يديروا الصدقة ، الأول رسم خط وقال أنا نرمي الدراهم للفوق وللي طاحت في الجهة هاذي ليا أنا وللي في الجهة الأخرى للفقير ، الدوزيام رسم دائرة وقالهم اللي طاحت في الدائرة
ليا واللي خارج الدائرة للفقير ، (والثالث قالهم أنا نرمي الدراهم للفوق واللي طاحت ليا وللي بقات الفوق للفقير ).
---------------------------------------------------------------------------------------------------------------------
* الأستاذ : أذكر لي حيوان يطير ،
التلميذ : البقرة
الأستاذ : يا حمار ، هل البقرة تطير ، واش يخدم باباك ؟؟
التلميذ : جنرال .
الأستاذ : إيه عندك الصح ، البقرة كي تنفح ليها ساعات تطير .
----------------------------------------------------------------------------------------------------------------------
* قالك واحد المرأة توفى راجلها في الحرب ، سقساتها جارتها ، قالت ليها كيفاش توفى راجلك ، قالت ليها ظرباتو رصاصة في الجبهة
قالت ليها الجارة ، مزية ما جاتلوش في العين .
----------------------------------------------------------------------------------------------------
الخميس يونيو 20, 2013 3:20 pm من طرف 
